Lækkaður hraði stórnotenda... OLD NEWS

það hefur aldrei verið neitt stórleyndarmál að þetta hefur tíðkast undanfarin ár eða eftir að "ótakmarkað" niðurhal fór að vera í boði. Á spjallsíðum netnotenda hefur þetta verið heit umræða heillengi og því undarlegt að það komi tilkynning frá símanum um þetta.

Búnir að selja "falsaða" vöru heillengi og loks núna er kominn tími til að segja satt.

En stóra spurningin í þessu er samt Hvaða rétt áskilur síminn sér. Eru þetta ekki hrein vörusvik ?

Síminn hægir á niðurhali stórnotenda

Afsökunarbeiðni frá íslensku fyrirtæki ?

Ég er alveg furðu lostin yfir því að fyrirtæki skuli biðja viðskiptavini sína afsökunar á truflunum sem áttu  sér stað í símkerfi þeirra. Ég hélt hreinlega að svona almennilegheit tíðkuðust ekki á Íslandi. Ég man eftir nokkrum "við birðumst velvirðingar á þeim truflunum sem þetta kann að valda" tilkynningum en ekki afsökunum.

Kannski maður velt fyrir sér af hverju beðið er afsökunar. Kannski eru  þeir bara með svona almennilegan almannatengil eða að farsímamarkaðurinn er sá eini á Íslandi sem alvöru samkeppni virðist vera á. Svo virðist nefnilega að með tilkomu Nova inn á markaðinn hafi loksins myndast samkeppni á Íslandi sem er neytendum til góða. Síminn og Vodafone höfðu júl lengi verið 2 á markaðnum og engin alvöru verðsamkeppni átt sér stað.

En ég vil þakka HIVE, SKO, NOVA og öllum þeim sem hafa stuðlað að fyrstu almennilegu samkeppninni á Íslandi í nokkur ár því það eina sem hefur lækkað á mínu heimili undanfarin ár er símreikningurinn.

Viðgerð lokið hjá Nova

Íslendingar kunna ekki að mótmæla

Davíð telur það ekki mikið að einhverjar örfáar hræður að hans mati mæti til þess að mótmæla setu hans í Seðlabankanum og fannst greinilega vanta eitthvað Aksjón til að þetta væri marktækt

Markaðsbjörn taldi að Íslendingar kynnu ekki að mótmæla af því við sturtum ekki skít eins og frakkar þegar við erum reið.

Og Björn Bjarnason situr heima drullusvekktur yfir því hvað mótfælin fari vel fram því það er jú búið að gera aðgerðaráætlun ef íslendingar verði eitthvað pirraðir yfir ástandinu á svona fundi.

Þessvegna er eina leiðin til að gera þessum mönnum til geðs er að taka Kristjaníubúa til fyrirmyndar og mæta með mólatov kokteila, heykvíslar og barefli næsta laugardag klukkan 3 á austurvöll og gera Birni og félögum til geðs og sýna Davíð og MarkaðsBirni að við kunnum að mótmæla.

En ég kemst samt ekki. Þið hin skemmtið ykkur bara vel.

Átök í Kaupmannahöfn

Hvernig ekki á að safna undirskriftum

Þegar komið er inn í skráningu á undirskrifarlistann þarf að setja inn Nafn, Kennitölu, Póstnúmer, Heimilisfang, netfang og viðkomandi boðið að nafn hans sjáist á undirskriftarlistanum.

Almennt þegar fólk er að skrá sig á lista vill það síður að allar upplýsingar um sig birtist og hvað þá þurfa að gefa of mikið af upplýsingum.

Í þessu tilfelli gefur maður allt um sig og svo er boðið hvort maður vilji að nafnið sjáist í undirskrifarlistanum. Þar kemur ekkert fram um hvort Kennitala, heimilisfang og netfang komi einnig fram. Ég sé ekki að það þurfi meira en Nafn og kennitölu til þess að verkefnið geti talist fullgilt.

Einnig er óskað eftir hvort maður vilji vera á póstlista þar sem fylgst er með framgang verkefnisins og þar er ekki tekið fram að netfang manns verði ekki notað í öðrum tilgangi en í þessu verkefni.

Einnig er ekki tekið fram hvort fylla þurfi út í alla reiti og hvort viðkomandi geti komist upp með að skrá einungis Nafn og kennitölu eða hvort hinar upplýsingarnar þurfi að fylgja með.

Með þetta að leiðarljósi finnst mér þetta ekki vönduð vinnubrögð og sá mér því miður ekki fært að skrá mig á þennan lista þar sem ég er mikill persónuverndarsinni.

 

Safna undirskriftum vegna kröfu um kosningar